釜山首爾追櫻記（十一）：嘆熱辣惹味挪夫部隊鍋（西面站）

＊鍋內有香腸、芝士、午餐肉、雜菜粒、通心粉等，即席炮製。

＊加多個拉麵。

＊周一的晚上，店內唔太多人，都係本地人。

＊估唔到除左首爾之外，仲可以在釜山西面站搵到挪夫部隊鍋，

而且仲好近Queens Motel添。

地圖下方紅圈佔置就係部隊鍋所在了。

由鎮海坐長途巴士（車程較慢，要近個半小時先到達沙上站）轉搭地鐵返回西面站，已是晚飯時間，在酒店必經的其中一條食街，居然俾我見到挪夫部隊鍋（놀부 부대찌개 ），上次首爾同佢緣慳一面，今次終於可以試到。

我地點左二人份的部隊鍋再加拉麵，鍋內有香腸、芝士、午餐肉、雜菜粒、通心粉等，即席炮製，滾後加埋拉麵落去，湯底橙橙的，味道香濃而帶微辣，食完拉麵，大可再用湯來撈白飯，同樣滋味。

呢餐部隊鍋只係17,000 韓圜（不足120港元），兩個人已經食到心滿意足！

挪夫部隊鍋（놀부 부대찌개 ）
前往方法：由西面站7號出口直走，見第二條斑馬線過對面，見 Etude House 轉入橫街，再轉左的食街內，大大個招牌好易搵。

部隊鍋：一人份7,500 韓圜